獨家試愛

一不離二，再睇埋「獨家試愛」。 巧合地，第一個印象係吳佩慈。與「無賴」一樣，都係做一個男人的理想。但亦同樣寫左當你同「理想」嘗試過一段短時間之後，未必會同想像之中一樣。不過，估唔到佢拍左套Thriller出黎，個結局幫左佢好多。 我嚮度諗，點解佢會咁寫Stephy，個性格絕對唔討好，如果呢個係而家女仔既縮影，我會好失望。尤其係身邊同NEWSGROUP有好多女仔話好睇，咁既話我都唔知講乜好。 同埋，最睇唔慣既係當你寫到阿Stephy俾人飛，好慘咁嚮條街度行，又襯晒歌又盛，轉個頭走黎打場牌之後冇事，大佬，你都唔好咁精神分裂！ 重有，好多product shot，有冇搞錯！我知世界難撈，開戲困難，但都唔好咁揚。所以我懷疑葉念琛特登安排唐寧講關於卡拉OK個段對白，倒佢米！